တရုတ် ကွန်မြူနစ်ပါတီ ဗဟိုကော်မတီ နိုင်ငံတကာရေးရာဌာန ၀န်ကြီး H.E. Mr. Wang Jiarui နှင့် အဖွဲ့သည် မြန်မာနိုင်ငံ ရန်ကုန်မြို့ သို့ မတ်လ ၃ ရက်နေ့ က ရောက်ရှိလာခဲ့ကြောင်း တရားဝင် သတင်းထုတ်ပြန်ချက်အရ သိရသည်။

    ၄င်းတို့သည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း၏ ဖိတ်ကြားချက်အရ ရောက်ရှိလာခြင်းဖြစ်ကြောင်း ထုတ်ပြန်ချက်က ဆိုသည်။

    ၀န်ကြီးနှင့်အဖွဲ့သည် နေပြည်တော်သို့ မတ်လ ၄ ရက်နေ့တွင် သွားရောက်ခဲ့ကြပြီး နိုင်ငံတော် ၀န်ကြီးချုပ် ဗိုလ်ချုပ်ကြီးသိန်းစိန်က ၄င်းတို့အား နေပြည်တော်ရှိ အစိုးရ အဖွဲ့ရုံး ဧည့်ခန်းမဆောင်၌ လက်ခံ တွေ့ဆုံခဲ့ကြောင်း နိုင်ငံပိုင်သတင်း စာတွင် ဖော်ပြထားသည်။

    ထို့ပြင် ၀န်ကြီးနှင့် အဖွဲ့သည် နိုင်ငံခြားရေးဝန်ကြီးဌာန ၀န်ကြီး ဦးဉာဏ်ဝင်းနှင့်လည်း တွေ့ဆုံခဲ့ပြီး နေပြည်တော်ရှိ ပြည်သူ့လွှတ်တော် အဆောက်အအုံ တည်ဆောက်နေမှုကို ကြည့်ရှုလေ့လာခဲ့ကြောင်း သိရ သည်။

    ၄င်းတို့သည် မြန်မာနိုင်ငံမှ မတ်လ ၄ ရက်နေ့တွင် ပြန်လည် ထွက်ခွာသွားခဲ့ကြောင်း သိရသည်။

    တရုတ်နိုင်ငံတွင် တရုတ်ကွန် မြူနစ်ပါတီ အာဏာရရှိပြီးနောက် ပထမဆုံးအသိအမှတ်ပြုသည့် နိုင်ငံ များထဲတွင် မြန်မာနိုင်ငံပါဝင်ခဲ့ပြီး မြန်မာ-တရုတ် နှစ်နိုင်ငံ သံတမန် ဆက်ဆံရေးမှာ ယခုနှစ်တွင် နှစ် ၆၀ ပြည့်ကြောင်း သိရသည်။

    တရုတ်နိုင်ငံသည် မြန်မာနိုင်ငံသို့ စီးပွားရေး၊ နည်းပညာနှင့်အခြား အကူအညီများကို ပေးအပ်နေပြီး နိုင်ငံတကာဇာတ်ခုံတွင် မြန်မာနိုင်ငံဘက်မှ ထောက်ခံရပ်တည်ပေးနေသည့် နိုင်ငံတစ်နိုင်ငံလည်းဖြစ်သည်။

    မြန်မာနှင့် တရုတ်နိုင်ငံသည် နယ်နိမိတ်ထိစပ်နေရုံသာမက နှစ် နိုင်ငံကုန်သွယ်ရေးမှာ တစ်နှစ်ထက် တစ်နှစ် တိုးတက်လာသည်ဟု သိရသည်။