အလားတူပင် မကြာသေးမီက စတင်ခဲ့သော တရုတ်-မြန်မာ လွတ်လပ်သောကုန်သွယ်ရေး China - ASEAN Free Trade Area (CAFTA) တည်ထောင်ခြင်းဖြင့် နှစ်နိုင်ငံကုန်သွယ်ရေး တွင် ကောင်းမွန်သောအခွင့်အလမ်းကို ပိုမိုဖန်တီးနိုင်မည်ဖြစ်ကြောင်း ၄င်းကပြောကြားခဲ့သည်ဟု သိရသည်။

တရုတ်နိုင်ငံဘက်မှ တရား ၀င်ထုတ်ပြန်ထားသောစာရင်းများ အရ နှစ်နိုင်ငံကုန်သွယ်မှုမှာ ၂ ဒသမ ၉၀၇ ဘီလျံဒေါ်လာရှိပြီး ယခင်နှစ်ထက် ၁၀ ရာခိုင်နှုန်း တိုး တက်ခဲ့ကြောင်း၊ စုစုပေါင်းကုန် သွယ်မှုဆိုင်ရာကိန်းဂဏန်းများအရ တရုတ်နိုင်ငံမှ မြန်မာနိုင်ငံသို့ တင် ပို့မှု ၂ ဒသမ ၂၆ ဘီလျံရှိပြီးမြန်မာ နိုင်ငံမှ တရုတ်နိုင်ငံသို့ တင်သွင်းမှု ၆၄၆ သန်းရှိကြောင်း သိရှိရသည်။

တရုတ်နိုင်ငံသည် မြန်မာနိုင်ငံ နှင့် နယ်စပ်ချင်းထိစပ်လျက်ရှိ သောကြောင့် မြန်မာနိုင်ငံမှ တရုတ်ဘက်သို့ တင်ပို့မှုပိုင်းတွင် အားသာချက်များ ရှိသကဲ့သို့ ဒေသတွင်းနိုင်ငံများအပေါ် တရုတ် ဈေးကွက်မှပစ္စည်းများ အလုံး အရင်းနှင့်ဝင်ရောက်မှုမှာယခင်ကပင် အားကောင်းနေသကဲ့သို့ ယခုလို Free Trade Area ကို အကောင် အထည်ဖော်ပြီးနောက်ပိုင်း ဒေသ တွင်းနိုင်ငံများအပေါ်ပိုမိုတင်သွင်းခွင့် ရလာကြောင်းလည်း သိရှိရသည်။

''နိုင်ငံတွေအားလုံးက Free Trade  လုပ်ဖို့ သဘောတူထားကြ တယ်။ အာဆီယံဒေသအတွင်းမှာ Free Trade ကြောင့်ကုန်ပစ္စည်းတွေ အလွယ်တကူစီးဆင်းမယ်လို့လက်ခံ ထားကြတယ်။ ပြီးတော့ ဒေသတွင်း နိုင်ငံတွေက ထုတ်ကုန်တွေပိုမိုတင်ပို့ နိုင်ဖို့ကြိုးပမ်းကြပေမယ့် တရုတ်ဈေး ကွက်ကို ယှဉ်ပြိုင်နိုင်ဖို့ဆိုတာနဲ့  တရုတ်နဲ့အပြိုင်တင်ပို့ဖို့ဆိုတာ တော် တော်ကိုအခက်အခဲရှိတဲ့ကိစ္စတစ်ရပ် ပါ''ဟု ထိုင်းနိုင်ငံ ဘန်ကောက်ပို့စ် သတင်းစာမှသတင်းထောက်တစ်ဦး က ပြောပြခဲ့သည်။

အလားတူပင် ဒေသတွင်းနိုင်ငံ များ အထူးသဖြင့်အာဆီယံနိုင်ငံများ တွင် ရှေ့ရောက်လာသော ဗီယက်နမ် နိုင်ငံအနေဖြင့်လည်း တရုတ်နိုင်ငံ  နှင့် ကုန်သွယ်မှုသိသိသာသာများ လာသော်လည်း ကုန်သွယ်မှုတွင် လိုငွေပြနေကြောင်းသိရှိရသည်။

မြန်မာနိုင်ငံသည်လည်း တရုတ် နိုင်ငံနှင့်နယ်စပ်ချင်းထိစပ်နေသော နိုင်ငံဖြစ်ပြီးကုန်သွယ်ရေးတွင်အား သာချက်ရှိကြောင်း သိရသည်။

ရင်းနှီးမြှုပ်နှံမှုအပိုင်းတွင်မူ ၂၀၀၈ ခုနှစ် နှစ်ကုန်ပိုင်းအထိ ရရှိ ထားသော စာရင်းများအရ တရုတ် နိုင်ငံ၏မြန်မာနိုင်ငံရှိရင်းနှီးမြှုပ်နှံမှု မှာ ၁ ဒသမ ၃၃၁ ဘီလျံ ဒေါ်လာ ရှိပြီး အဓိကအားဖြင့် သတ္တုတူး ဖော်ရေး၊ လျပ်စစ်စွမ်းအင်၊ ရေနံနှင့် သဘာဝဓာတ်ငွေ့ကဏ္ဍများတွင် ရင်းနှီးမြှုပ်နှံထားကြောင်း သိရှိရ သည်။